Álemdegi eń aqyldy bala Nobel syılyǵyna úmitker
ASTANA. QazAqparat - Tanıshk Abraham esimdi 11 jasar ındýs bala álemdegi eń aqyldy bala sanalady. Ol 7 jasynda joǵary oqý ornyna túsip, 4 jyl ishinde matematıka, fızıka jáne shet tili mamandyǵyn ıgerip shyqqan, dep jazady e-islam.kz.
Halyqaralyq Mensa assambleıasy Tanıshkti 4 jas kezinde-aq, óz qataryna qosyp úlgergen. Atalmysh Assambleıa aqyly, qarym-qabileti joǵary damyǵan azamattardy tirkeýmen aınalysyp, búginde 80 elde óz jumystaryn júrgizýde. Sondaı-aq, búginde Assambleıada álemniń ár túkpirinen jınalǵan 100 myńnan astam azamat tirkelip úlgergen.
Qazirgi tańda Tanıshk fızıka ǵylymy boıynsha AQSh úkimetine qatysty NASA agenttigine (Aeronavtıka jáne ǵarysh keńistigin zertteý jónindegi ulttyq basqarmaǵa) úlken ǵylymı joba daıyndap jatyr. Aldaǵy ýaqytta Nobel syılyǵyna qol jetkizý úshin birshama basqa da ǵylymı jumystarmen aınalysyp jatqanyn aıtyp ketti.
