Álemdegi eń aqyldy adamnyń esimi belgili boldy
ASTANA. QazAqparat - AQSh-tyń Arızona shtatynyń kishkentaı turǵyny Aleksıs Martın jer betindegi eń aqyldy adam dep tanyldy. IQ testisin tapsyrǵanda nebári úsh jastaǵy bul qyz bala 162 ball jınaǵan, al bul kórsetkish áıgili ǵulamalar Albert Eınshteınniń, Stıven Hokıng pen Bıll Geıtstiń upaılarynan artyq (160 ball) dep jazady «Aktýalnye novostı».
Ádette, eresek adamnyń aqyl-oıy deńgeıiniń ortasha kórsetkishi 100 balldy kórsetedi. Shamamen jer betindegi adamdardyń 2% výnderkınd dep sanalady. Al, zertteýshiler kishkentaı aqyldy qyzdyń ınttellektisiniń koeffıtsıentin dál anyqtaı almaǵan, sebebi, ol test tapsyrmalaryn tym jyldam sheshken.
Sábıdiń erekshe qabiletine ata-anasy burynnan-aq nazar aýdaryp júrgen eken. Bir jasynda-aq Aleksıs olardyń aıtqan ertegilerin ózderine sózbe-sóz qaıtalap aıtyp bere alatyn bolǵan. Búldirshin planshettiń kómegimen ózdiginen ıspan tilin de úırenip alǵan. Ol qazirden-aq besinshi synyp oqýlyqtaryn erkin oqıdy.
Aqyldy qyzdyń ata-anasy ony ózderi úshin maqtan tutatyndaryn jetkizdi. Alaıda, olar sábıleriniń bolashaq taǵdyryna da alańdaýshylyq bildirýde. Sebebi, osy elden erek daralyǵyna baılanysty Aleksıs qarapaıym balabaqshada nemese mektepte ózin erkin sezine almaýy múmkin, deıdi olar.
