Álemdegi eń ádemi shaqa Meksıkada soǵylǵan
ASTANA. Qazannyń 1-i. QazAqparat - Meksıkada bıyl toılanǵaly otyrǵan Revolıýtsııanyń 100 jyldyǵy qurmetine soǵylǵan kúmis shaqa álemdegi eń ádemi shaqa dep tanylyp otyr, dep habarlaıdy ITAR-TASS agenttigi.
Meksıkanyń qarjy mınıstrliginiń aqparaty boıynsha, Avstralııanyń elordasynda ótken Teńge saraılary basshylarynyń XXVI dúnıejúzilik konferentsııasyna qatysýshylar biraýyzdan osyndaı sheshim qabyldaǵan.
«Revolıýtsııalyq poıyz» dep atalǵan quny 10 pesolyq shaqa álemniń 22 eli óz aqshalaryn tanystyrǵan konkýrsta jeńip shyǵyp otyr.
Jeńimpaz shaqanyń dıametri - 48 mm, salmaǵy - 62,2 gramm. Onyń bir jaq betinde - óz dáýiriniń dástúrli kıimderin kıgen tórt qarýly revolıýtsıoner mingen poıyz beınelengen.
