Álemdegi eń ádemi goldardyń birin soqqan oıynshy «Tobylǵa» keldi
Ýkraına quramasynyń burynǵy oıynshysy, 32 jastaǵy qorǵaýshy Vasılıı Kobın qostanaılyq klýbpen 1 jylǵa kelisimshartqa otyrdy.
Aıta keteıik, Kobın Ýkraına Premer-lıgasynda 200-den astam matchqa qatysqan.
«Ol 2001 jyly «Zakarpate» klýbymen kelisimshart jasasty. Keıin Ýkraınanyń «Karpaty» jáne ataqty «Shahter» komandalarynda oınaǵan. Munan soń Harkovtiń «Metallıst» klýbyna aýysty», - delingen «Tobyl» FK resmı saıtynda.
Kobın 2015 jyly Chempıondar lıgasyna qatysyp, Madrıdtiń «Realyna» qarsy dop tepken. Onyń qanjyǵasynda Ýkraınanyń 6 dúrkin chempıony, 5 márte Kýbok ıegeri, Sýperkýbok oıyndarynyń jeńimpazy syndy ataqtary bar.
Ol «Tobylǵa» deıin «Veres» quramynda óner kórsetip keldi. Vasılıı Kobın álemdegi eń ádemi gol soqqan fýtbolshylardyń qataryna enýimen de tanymal. Qorǵaýshy 2015 jylǵy Eýropa Lıgasy aıasyndaǵy «Legııa» - «Metallıst» kezdesýinde alań ıeleriniń qaqpasyna gol soqqan. Keıin fýtbol mamandary bul goldy jyldyń eń ádemileriniń sapyna qosty.