Álemdegi eń ádemi aral anyqtaldy
ASTANA. QazAqparat - Dúnıeniń túkpir-túkpirinen keletin týrısterdi eń kóp qyzyqtyrǵan araldyń ataýy anyqtaldy. Ekvadordaǵy Galapagos arhıpelagy álemdegi eń ádemi aral bolyp tanyldy, dep habarlaıdy The Daily Mail.
Saıahat týraly amerıkalyq Travel + Leisure jýrnaly ótkizgen saýalnamaǵa sáıkes, Galapagos araldarynda dúnıeniń ózge eshbir jerinde kezdespeıtin ósimdikter men janýarlardy tamashalaýǵa bolady. Sondaı-aq bul jer súńgýirlerdiń de kóńilinen shyqqan. Eń bastysy, Galapagostan alyp tasbaqalardy kezdestire alasyz. Ádemi araldar tizimin Balı men Maldıv Respýblıkasy jalǵastyrdy. Al olardan keıin avstralııalyq Tasmanııa men grektiń Santorını araly ornalasqan, dep jazady 24.kz.
