Álemdegi elderde balany kemsitýge qalaı jol berilmeıdi – ІІM mysal keltirdi
NUR-SULTAN. QazAqparat – Zańnamaǵa býllıng, kıberbýllıng túsinigin engizý problemalyq máselelerdi sheshýge múmkindik beredi. Bul týraly QR Іshki ister mınıstriniń birinshi orynbasary Marat Qojaev aıtty, dep habarlaıdy QazAqparat tilshisi.
«Bizdiń oıymyzsha, zańnamaǵa býllıng, kıberbýllıng túsinigin engizý problemalyq máseleler aıasyn aıqyndaýǵa jáne olardy keshendi túrde sheshýge úmkindik beredi», - dedi ol Ortalyq kommýnıkatsııalar qyzmetindegi baspasóz máslıhaty barysynda.
Osy oraıda QR Іshki ister mınıstriniń birinshi orynbasary balalardy jábirleýdiń aldyn alýǵa baǵyttalǵan birqatar halyqaralyq mysaldy alǵa tartty.
«Ulybrıtanııada pedagogter kıberbýllıngtiń kez kelgen túriniń aldyn alý úshin arnaýly daıyndyqtan ótedi. Frantsııada muǵalimder oqýshylardyń blogtaryn qadaǵalap, jábirlenýshilerge kómek kórsetedi. Al buzaqylar mektepten qýylýy múmkin. Kanadada mektepterdegi kıberbýllıngtiń aldyn alý ádistemesin ázirleýmen quramyna 130 ǵalym-zertteýshi kiretin iri uıym aınalysady. Japonııada 2013 jyldan bastap kemsitýshiliktiń aldyn alý úshin is-sharalardy damytý týraly zań qoldanysqa engizilgen. Ár bilim ordasy kemsitýshiliktiń aldyn alý úshin mektep saıasatyn derbes ázirleýi tıis», - dedi Marat Qojaev.
