Álemdegi bıdaı baǵasynyń qymbattaý sebepteri aıtyldy
«Azyq-túliktiń álemdik baǵasy arzandaýda. FAO ındeksi bıylǵy qyrkúıekte 1,1%-ǵa tómendedi. Oǵan sebep bolǵan ósimdik maılary baǵasynyń tómendeýi. Biraq astyq baǵasy qymbattaýda. Bıdaı baǵasynyń kóterilýi Ýkraınanyń Qara teńiz porttarynan astyqty jiberý múmkindigine jáne Argentına men AQSh-taǵy aýa raıy jaǵdaıyna qatysty qaýip-qaterge baılanysty.
Álemdegi ınflıatsııa áli de joǵary deńgeıde. Baǵanyń eki mándi ósý qarqyny damýshy ekonomıkalarda ǵana emes, birqatar damyǵan ekonomıkalarda da baıqalady. Osyndaı jaǵdaılarda rezervtik valıýtalardy emıssııalaıtyn jetekshi ortalyq bankter monetarlyq talaptardy qatańdatýdy jalǵastyrýda. Biz úshin bul teńgeniń aıyrbastaý baǵamyna qysymnyń kúsheıý táýekeliniń ósýin bildiredi. Bazalyq mólsherlemeni arttyrý arqyly teńgedegi aktıvterdiń tartymdylyǵyn qamtamasyz etý sharalary talap etiledi», - dedi Ǵalymjan Pirmatov.
Sondaı-aq ol munaı baǵasyn tómendetýi múmkin faktorlarǵa toqtaldy.
«Álemdik munaı naryǵynda baǵaǵa áser etetin túrli baǵyttaǵy faktorlardyń bolýy baıqalady. Baǵanyń tómendeýine suranys boıynsha boljamdardyń nasharlaýy, AQSh-taǵy qorlardyń ósýi áser etýde. Reseı jáne Taıaý Shyǵystyń keıbir elderinen taýar jetkizýdegi problemalar, sondaı-aq OPEK+ elderindegi munaı óndirýdiń jalpy kvotasynyń tómendeýi baǵanyń ósýin qoldaıdy. AQSh-tyń Energetıkalyq aqparat basqarmasynyń boljamy boıynsha, aǵymdaǵy jylǵy 4-toqsanda Brent baǵasy barreline ortasha eseppen 93 AQSh dollaryn jáne 2023 jyly barreline 95 AQSh dollaryn quraıdy», - dedi Ulttyq bank basshysy.
