Álemdegi aýqymdy ınternet-dúken «Amazon» N.Nazarbaev jınaǵyn satýǵa shyǵardy
ASTANA. QazAqparat - «Amazon» álemdegi iri ınternet-dúkeni aǵylshyn tilinde basyp shyǵarylǵan «Vıdenıe Lıdera» (Lıderdiń kózqarasy») («Leadership Perspectives») - 2012-2015 jyldaryndaǵy QR Prezıdenti N.Á.Nazarbaevtyń sóılegen sózderi jınaǵy kitabyn sata bastady, dep habarlady Ulybrıtanııadaǵy QR Elshiliginiń baspasóz qyzmetinen.
«Vıdenıe Lıdera» (Lıderdiń kózqarasy»), bul - halyqaralyq saıasattyń ózekti máselelerinen bastap, Qazaqstannyń ınstıtýtsıonaldyq reformalary, jańǵyrýy men ekonomıkalyq damýyna deıingi máseleler qamtylǵan kitap.
Kitaptyń alǵashqy betinde Qazaqstan kóshbasshysynyń sózi, sonymen qatar Ulybrıtanııanyń Premer-Mınıstri D.Kemeronnyń sózi keltirilgen.
Jınaqtyń alǵy sózinde Ulybrıtanııa Parlamenti Lordtar palatasynyń asa qurmetti músheleri - lord Robertson (NATO-nyń burynǵy bas hatshysy), lord Rıchards (Birikken Koroldiktiń Bas shtabynyń burynǵy basshysy) jáne lord Kormaktyń sózderi bar.
Kitapta Ult Lıderiniń kúndelikti qyzmeti kórinis tapqan 30-dan astam sýret, sonyń ishinde shetel memleketteriniń basshylarymen kezdesýi kezinde túsirilgen 18 sýret bar.
Kitap taralymy - 5 myń dana.
«Vıdenıe Lıdera» (Lıderdiń kózqarasy») jınaǵyn Londonda «First» brıtanııalyq baspa úıi Ulybrıtanııadaǵy QR Elshiliginiń yqpaldasýymen «Shell» kompanııasynyń qoldaýymen jarııalady.
«Amazon» ınternet-dúkeni brıtanııalyq jazýshy N. Fıldıngtiń «Ońtústiktegi Uly Dalaǵa: Tomas pen Lıýsı Atkınsondardyń 1847-1852 jyldary Shyǵys Qazaqstanǵa saıahaty» kitabyn da saýdaǵa shyǵardy.
Amazon - álemde 34 sanat boıynsha taýarlar satylymy júzege asyrylatyn eń iri ǵalamtor-dúkeni. Onyń shtab-páteri AQSh-ta ornalasqan. Kanada, Ulybrıtanııa, Germanııa, Frantsııa, Ispanııa, Italııa, Qytaı jáne Japonııada fılıaldary bar.
