Álemdegi ataqty túıe jarysy on kúnnen soń bastalady
ASTANA. QazAqparat - 19 tamyz kúni Kenııanyń Rıft-Vallı provıntsııasyndaǵy Maralal qalasynda jyl saıynǵy dástúrli «Camel Derby» meıramy bastalady. Meıramnyń basty sebebi - túıeler jarysy. Ony qyzyqtaýǵa álemniń ár túkpirinen myńdaǵan týrıs jınalady.
Túıe - soltústik Kenııa úshin mańyzdy kólik quraly. Olar bul janýardy jumys kúshi retinde ǵana paıdalanǵanymen, dúbirli dodaǵa eń myqty ári tózimdilerin tańdap, qatystyrady.
Merekede án-bıge de kezek beriledi, onyń jeńimpazy asa saltanatty jaǵdaıda marapattalady eken. Shara qala mańyndaǵy jartylaı shóleıt aımaqtarda ótedi.
Eń belgili túıe jarys 21 tamyzǵa deıin sozylady. Onda tipti, eshqashan túıege minip kórmegen saıahatshy da baǵyn synaı alady.
