Álemdegi alǵashqy robot-advokat jumysqa qabyldandy
ASTANA. QazAqparat - Álemdegi alǵashqy robot-advokat jumysqa qabyldandy, dep habarlady lenta.ru.
"Watson jasandy parasat negizinde IBM kompanııasy jasap shyǵarǵan Ross robot-advokat Baker & Hostetler halyqaralyq advokattyq bıýroǵa jumysqa qabyldandy", - dep jazdy Futurism.
Robot bankrottyq rásimge baılanysty isti júrgizetin bólimde jumys isteıdi. Qazir bólimde 50 qyzmetker bar. Ross kásibı ádebıetke siltememen, dáıeksózder keltire otyryp, gıpotezamen suraqty túsinip, oǵan jaýap berýge qabiletti. Osylaısha, kıberadvokat aýqymdy orynsyz aqparattardy elekten ótkizip, zańgerlerge járdemdesedi jáne ótinishter sanynyń artýyna qaraı tıimdiligi arta túsedi.
Budan basqa, jasandy parasat sot talqylaýlary bazasyn turaqty jańartyp, zańgerlerdi aǵymdaǵy isti qarýǵa yqpal etetin jaǵdaılar týraly habarlandyryp otyrady.
