Álemdegi ahýal: Chehııa maska taǵýdy qaıta mindettedi, Ispanııa jańa shekteýler engizdi

Ońtústik Koreıa shirkeýinde indettiń órshýi

Ońtústik Koreıadaǵy shirkeýlerdiń birinde 300-den astam qyzmetker koronavırýs juqtyrǵan.

El bıligi «Sarang Djeıl» protestanttyq shirkeýiniń pastory Chýn Kvan Hýnǵa jaýapsyzdyǵyn jáne karantındik shekteýlerge baǵynbaǵanyn aıyptady. Senbi kúni ol adamdardy úkimetke qarsy demonstratsııaǵa qatysýǵa shaqyrǵan. Endi, narazylyqqa qatysýshylardyń barlyǵyna ózin-ózi oqshaýlaý buıyrylǵan.

Aǵylshyn polıtsııasy úılený toılaryn toqtatty

Jeksenbide Anglııanyń soltústiginde polıtsııa adamdardyń toptasýyna baılanysty shekteýdi buzǵany úshin eki úılený toıyn toqtatýǵa májbúr boldy.

Lankashır okrýgindegi Blekbern qalasynda úılený toıyna 100-den astam qonaq jınalǵan. Al Manchesterde toıǵa 50-den astam adam kelgen. Koronavırýstyń órshýine baılanysty eki qalada da karantındik shekteýler engizilgen. Onyń ishinde birge turmaıtyn adamdardyń jınalýyna tyıym salynǵan.

Qatań karantındik sharalary joq Anglııanyń aýdandarynda úılený toıyndaǵy qonaqtardyń sany 30 adamnan aspaýy kerek.

Ǵalymdar D614G shtammynyń juqpaly ekenine daýlasýda

Malaızııa Densaýlyq saqtaý mınıstrligi ǵalymdar koronavırýstyń D614G jańa mýtatsııasyn anyqtady. Bul, vırýstyń bastapqy shtammyna qaraǵanda 10 ese kóp juqpaly ekenine senimdi.

Alaıda, juqpaly aýrýlar jónindegi sarapshylar bul san eshqandaı derektermen bekitilmegenin aıtady.

D614G mýtatsııasy Ýhanda alǵashqy koronavırýs indetinen keıin kóp uzamaı paıda boldy. Qazir ol álemdegi Covid-19-ǵa oń synamalardyń 97%-ynda bar.

Shildede VVS agenttigi vırýsologtarǵa silteme jasaı otyryp, bul mýtatsııanyń basqa shtammdarǵa qaraǵanda juqpalylyǵy joǵary ekendigine jetkilikti dálel joqtyǵyn habarlady.

Chehııada maska taǵý qaıta mindetteldi

Chehııada 1 qyrkúıekten bastap kólikte jáne qoǵamdyq oryndarda maska taǵý mindetteldi. Bul eldegi koronavırýs juqtyrýdyń jańa jaǵdaılarynyń ósýine baılanysty engizildi.

Chehııa naýryz aıynda Eýropadaǵy alǵashqy elderdiń biri bolyp el turǵyndaryna qoǵamdyq oryndarda maska taǵýdy buıyrǵan bulatyn. Biraq jaǵdaı jaqsarǵannan keıin bul ereje birtindep jumsara bastady.

Japonııa ekonomıkasynyń rekordtyq quldyraýy

Japon ekonomıkasy 2020 jyldyń ekinshi toqsanynda qazirgi tarıhynda eń úlken rekordtyq quldyraýdy bastan ótkerdi. Sáýir-maýsym aılarynda onyń JІÓ aldyńǵy úsh aımen salystyrǵanda 7,8% tómendedi. Jyldyq eseppen alǵanda bul – 27,8%. Taýarlar eksporty tómendedi, sheteldik týrıster aǵyny toqtady.

Ispanııadaǵy jańa shekteýler

Ispanııanyń taǵy tórt aımaǵy Andalýsııa, Galısııa, Kantabrııa, Kastılııa jáne Leon koronavırýstyń jergilikti jerde órshýine baılanysty shekteý sharalaryn engizdi. La Rıoha men Mýrsııada jeksenbiden bastap karantın engizildi.

Túngi klýbtar jáne meıramhanalar túngi ýaqytta jabylady. Áleýmettik qashyqtyqty saqtaý múmkin bolmaǵan jaǵdaıda kóshede qoǵamdyq oryndarda temeki shegýge tyıym salynady.

Ispanııanyń soltústigindegi Basktar eli densaýlyq saqtaý salasyndaǵy tótenshe jaǵdaıdy jarııalamaq.

Djons Hopkıns Ýnıversıtetiniń málimeti boıynsha, Ispanııada pandemııa bastalǵaly beri aýrý juqtyrýdyń 342,8 myńnan astam jaǵdaıy anyqtaldy, 28,6 myńnan astamy indetten qaıtys boldy.

Tennısshiler US Open týrnırine barmaıdy

Áıelder arasyndaǵy álemniń ekinshi raketkasy, rýmynııalyq tennısshi Sımona Halep 31 tamyzda Nıý-Iorkte bastalatyn AQSh-tyń ashyq tennıs chempıonatyna barmaıtynyn aıtty.

Halepten basqa, USA Today jazǵandaı, Rafael Nadal, Bıanka Andreeský, Eshlı Bartı, Nık Kırıos, Van Tsıan, Sten Vavrınka, Elına Svıtolına jáne Kıkı Bertens jarystarǵa qatysýdan bas tartty.

Ózge elderdegi jaǵdaı

Perýde táýliktik koronavırýs juqtyrýdyń jańa jaǵdaılarynyń rekordtyq sany tirkeldi – 10,1 myńnan astam. Elde pandemııa bastalǵaly beri, resmı statıstıkaǵa sáıkes, 525 myńnan astam adam Covid-19-ǵa shaldyqqan.

Bolıvııada indetke shaldyǵý jaǵdaılarynyń sany 100 myńnan asty.

Ulybrıtanııaǵa Frantsııa, Nıderland, Monako, Malta, Terks jáne Kaıkos araldary men Arýbadan kelgender osy elderde koronavırýstyń órshýine baılanysty eki apta boıy oqshaýlanýy kerek.

Italııada indetke shaldyǵýdyń jańa jaǵdaılarynyń kóbeıýine baılanysty túngi klýbtar úsh aptaǵa jabyldy. Eldiń keıbir aýdandarynda saǵat 18:00-den tańǵy altyǵa deıin maska taǵý mindetteldi.

Jańa Zelandııa koronavırýs ınfektsııasynyń jańa oqıǵalary anyqtalǵannan keıin parlamenttik saılaýdy keıinge qaldyrý týraly sheshim qabyldady. Premer-mınıstr Djasında Ardern 19 qyrkúıekte ótýi tıis bolǵan saılaý 17 qazanǵa aýystyrylǵanyn habarlady. Buǵan deıin bılik eldiń eń úlken qalasy Oklendte karantındik shekteýler engizgen bolatyn.

AlQytaı bir aıda birinshi ret elde koronavırýs ınfektsııasynyń jańa derekteri tirkelmegenin habarlady. Elde ınfektsııanyń nóldik kórsetkishi sońǵy ret 14 shildede bolǵan.