Álemdegi ahýal: Brazılııa prezıdenti koronavırýs juqtyrdy
BALTIMOR. QazAqparat - Brazılııanyń prezıdenti Jaır Bolsonarý ózinen koronavırýs anyqtalǵanyn rastady. Bul týraly QazAqparat VVS-ge silteme jasap habarlaıdy.
Buǵan deıin koronavırýstyń qaýiptiligin joqqa shyǵaryp kelgen Brazılııa prezıdenti Jaır Bolsonarý ózinen COVID-19 anyqtalǵanyn rastady. Ol sońǵy birneshe aıda tórtinshi ret test tapsyrýǵa májbúr bolǵan. Sebebi ystyǵy kóterilgen. Sonymen birge óziniń jaǵdaıy jaqsy ekenin, tek jeńil túrdegi belgiler baıqalatynyn aıtqan.
Al jeksenbi kúni Brazılııa basshysy densaýlyǵy nasharlaǵanyn málimdedi.
65 jastaǵy Bolsonarý senbi kúni AQSh elshisimen kezdesý kezinde maska taqpaı túsken sýretin jarııalaǵan bolatyn. Ol koronavırýs bar-joǵy jeńil túrdegi sýyq tııý ekenin birneshe ret aıtqan edi.
Djons Hopkıns ýnıversıtetiniń málimetinshe, álem boıynsha kornavırýs juqtyrǵandar sany – 11 mln 798 myń 678 adam. Qaýipti vırýstan 543 538 naýqas kóz jumdy, 6,3 mln-ny saýyǵyp shyqty.
Іndetti juqtyrǵandar sany eń kóp 10 eldiń tizimi:
AQSh – 2 993 759
Brazılııa - 1 668 589
Úndistan – 719 665
Reseı – 693 215
Perý – 309 278
Chılı – 301 019
Ulybrıtanııa – 287 874
Meksıka – 268 008
Ispanııa – 252 130
Iran – 245 688
