Álemdegi adam saýdasy qurbandarynyń 45-50 paıyzyn balalar quraıdy - Sholý konferentsııasy
ASTANA. 27 qarasha. QazAqparat /Aıdar Ospanalıev/ -Álem boıynsha adam saýdasy qurbandarynyń 45-50 paıyzyn balalar quraıdy. Bul týraly Astanda ótip jatqan EQYU Sammıtiniń Sholý konferentsııasynda Eýropalyq Odaqtyń atynan sóılegen Vengrııa ókili málim etti.
Onyń aıtýynsha, Eýropalyq Odaq adam saýdasymen kúreske jáne onyń aldyn alý isine úlken mańyz beredi. Osyǵan baılanysty bul mindet kóptegen zańnamalyq jáne strategııalyq qujattarda kórinis tapqan. «Eýropalyq Odaq óziniń baǵdarlamasynda adam saýdasyna úlken basymdyq berip, atalmysh áreketterdi kúrdeli qylmystardyń qataryna jatqyzady. Atalmysh halyqaralyq uıym ókilderi qazir adam saýdasy men onyń qurbandaryn qorǵaý týraly jańa qujat ta daıyndap jatyr», dedi Vengrııa ókili.
