Álemdegi tisi kóp áıel Úndistanda turady

Úndistan turǵyny álemdegi eń kóp tisi bar áıel dep tanyldy jáne osy ereksheliginiń arqasynda ol Gınnestiń rekordtar kitabyna endi. Kazinform bul týraly TASS aqparat agenttigine silteme jasap habarlaıdy. 

Hindustan Times basylymynyń jazýynsha, álemdik rekordty 26 jastaǵy úndilik Kalpana Balan ornatqan. Onyń 38 tisi bar. ıAǵnı ózge adamdarǵa qaraǵanda alty tisi artyq. Aýyzynyń tómengi jaǵynda 4, joǵary jaǵynda qosymsha 2 tis ósken. 

Artyq tistiń óskenin ol boıjetken kezinde baıqaǵan. Osy jaǵdaı Kalpana úshin yńǵaısyzdyq týdyrmasa da, ata-anasy oǵan tis dárigerine baryp, qosymsha tisterdi juldyrý týraly keńes aıtqan. Alaıda bul áreketten qoryqqan ol tisterin saqtap qalýdy durys dep sanaǵan.  

«Álemdik Gınness rekordy» ataǵyn alǵanym úshin baqyttymyn. Bul – ómirimdegi basty jetistik», - deıdi Kalpana.

Er adamdar arasynda mundaı rekord Kanada turǵyny Evano Mellonege tıesili. Onyń 41 tisi bar. 

Medıtsınada artyq tisterdiń bolýyn gıperdentııa nemese polıodontııa dep ataıdy. Statıstıkaǵa sáıkes, álemde adamdardyń 3,8 paıyzynda bir nemese birneshe artyq tis bar. Gıperdentııa tisterdiń qalyptasý protsesiniń buzylýy dep sanalady, biraq onyń naqty sebebi belgisiz.