Álemdegi eń joǵary jalaqy alatyn sportshy anyqtaldy
ASTANA. KAZINFORM — 2025 jylǵy Forbes reıtınginde I oryndy fýtbolshy Krıshtıaný Ronaldý ıelendi, onyń tabysy 275 mln dollardy qurady, dep habarlaıdy Kazinform tilshisi.
Bul Forbes baqylaýlary boıynsha qazirgi sportshylar arasyndaǵy úshinshi eń joǵary jyldyq tabys dep esepteledi.
40 jastaǵy shabýylshy jáne kapıtan Saýd Arabııasynyń «Al-Nasr» klýbynda da, Portýgalııa quramasynda da oınaıdy. Sońǵy 12 aıda onyń tabysy — klýb jalaqysynan jáne negizinen jarnamalyq jobalardan túsken qomaqty kiristerden qalyptasty.
Jalpy alǵanda, bıylǵy eń joǵary jalaqy alatyn 50 sportshy shamamen 4,23 mıllıard dollar tabys tapty, bul ótken jylǵy 3,88 mıllıard dollarlyq rekordtan edáýir asyp tústi. Bul somaǵa demeýshilik kelisimsharttardan, kópshilik aldyndaǵy sózderden jáne basqa bıznes-jobalardan túsken 1,04 mıllıard dollar kiredi. Bul 2024 jylmen salystyrǵanda 11%-ǵa (936 mıllıon dollar) artyq jáne 2023 jylǵy 1,08 mıllıard dollarlyq rekordqa jýyq.
Osyǵan deıin amerıkalyq basketbolshy Maıkl Djordan Sportico nusqasy boıynsha qarjylyq jaǵynan eń tabysty 50 sportshynyń tizimin bastady.