Álemdegi eń jaıly qalalar anyqtaldy

ASTANA. KAZINFORM — Danııanyń Áleýmettik taldaý ortalyǵy qatarynan altynshy jyl eń baqytty jáne ómir súrýge eń qolaıly qalalar tizimin jasap keledi. Bul reıtıng 82 kórsetkishke negizdeledi. Bıylǵy tizimge Vengrııanyń eki qalasy da endi.

AZƏRTAC agenttiginiń habarlaýynsha, 2025 jyly ómir súrýge eń jaqsy qalalar ındeksi aıasynda jasalǵan eń baqytty qalalar reıtıngisinde Kopengagen birinshi oryndy ıelendi. Bıylǵy tizim alty negizgi sanat boıynsha 82 túrli kórsetkishti qamtydy: azamattyq belsendilik, basqarý sapasy, qorshaǵan orta, densaýlyq saqtaý, ekonomıka jáne mobıldik (kólik pen qoljetimdilik).

Vengrııa astanasy Býdapesht 700 upaımen 110-orynǵa ıe bolyp, aımaqtaǵy birqatar qalany artta qaldyrdy. Mysaly, Praga (153-oryn), Sofııa (155-oryn) jáne Varshava (175-oryn).

Býdapeshtpen qatar tizimge Debretsen de endi. Bul qala 646 upaımen 145-oryndy ıelendi. Vengrııadaǵy halyq sany boıynsha ekinshi orynda turǵan bul qala turǵyndardyń ál-aýqatyna tikeleı áser etetin kórsetkishter boıynsha 160 upaı, ekologııalyq kórsetkishter boıynsha 137 upaı jınap, jaqsy nátıjeler kórsetti.

Bıylǵy úzdik ondyqqa negizinen Soltústik jáne Batys Eýropa men Azııa qalalary endi:

1. Kopengagen (Danııa)

2. Tsıýrıh (Shveıtsarııa)

3. Sıngapýr (Sıngapýr Respýblıkasy)

4. Orhýs (Danııa)

5. Antverpen (Belgııa)

6. Seýl (Ońtústik Koreıa)

7. Stokgolm (Shvetsııa)

8. Taıbeı (Taıvan, QHR)

9. Mıýnhen (Germanııa)

10. Rotterdam (Nıderlandy)

Aıta ketelik Qazaqstandaǵy eń las qalalardyń antıreıtıngi týraly jazǵan edik.