Álemdegi eń uzyn jáne eń qysqa adam kezdesti
ASTANA. KAZINFORM – Álemdegi eń uzyn er adam men eń qysqa áıel keshe AQSh-tyń Kalıfornııa shtatynda kezdesti. Olardyń boıyndaǵy aıyrmashylyq 183 sm-den de artyq. Bul týraly Dailymail.co.uk saıty habarlady.
41 jastaǵy Sýltan Kosen Túrkııada dúnıege kelgen. Kosenniń uzyndyǵy medıtsınada gıpofız gıgantızmi dep atalatyn protsestiń damýyna sebep bolǵan isikke baılanysty.
Al Úndistannan kelgen 30 jastaǵy Iotı Amgeniń boıy ortasha 2 jastaǵy baladan sál qysqa. Oǵan hondrodıstrofııa dıagnozy qoıylǵan. Ekeýi de erekshe qyrlarymen 2011 jyly Gınnestiń rekordtar kitabyna endi.
Rekordsmender AQSh-ta ózderiniń boılaryndaǵy aıyrmashylyqty birneshe fotosýrettermen kórsetken jáne olar qoǵamda úlken qyzyǵýshylyq týdyrǵan. Alaıda bul erekshe jandardyń birinshi kezdesýi emes. Olar alǵash ret 2018 jyly Mysyrdyń Mádenıet jáne týrızm mınıstrliginiń shaqyrýymen túrli tarıhı oryndardy aralaý kezinde kezdesken.
Arada bes jyl ótken soń ekeýi taǵy da kezdesti. Olardyń tańǵajaıyp sýretteri tarıhta qaldy.
