Álemdegi eń úlken anakonda Amazonkadan tabyldy
ASTANA. KAZINFORM – Ǵalymdar Amazonkadaǵy djýnglıde júrgizgen ekpedıtsııa barysynda álemdegi eń alyp anakondany kezdestirdi. Bul týraly BELTA jazdy.
NBC News-tiń málimetinshe, ǵalymdar atalǵan saparǵa derekti serıaldyń túsirilimin jasaý úshin barǵan. Túsirilim toby qolaıly sátti paıdalanyp, jylandy taspaǵa túsirip alǵan. Ol sý astynda bolǵandyqtan, túsirilim sýda jasalǵan. Tipti onyń qasyna deıin júzip barǵan adam, onyń qanshalyqty alyp ekenin jaqynnan kórýge múmkindik aldy.
Boljam boıynsha dál osy tuqymdas jylandardyń salmaǵy 500 kg bolýy múmkin. Al, uzyndyǵy 7,5 m. Túsirilim toby kezdestirgen anakondanyń salmaǵy shamamen 200 kg, al uzyndyǵy 6 m ekeni belgili boldy. Ǵalymdar atalǵan tirshilik ıesin soltústikte mekendeıtin jasyl anakonda dep atady.
