Álemdegi eń tanymal týrıstik elder anyqtaldy

ASTANA. KAZINFORM — BUU-nyń Dúnıejúzilik týrıstik uıymy 2024 jyly eń tanymal bolǵan elderdiń top-10 tizimin jarııalady. Ǵalamdyq týrızmniń eń tanymal baǵyty — Frantsııa, bul elge 102 mıllıon saıahatshy barǵan. Ásirese, Parıj ben Lazýr Jaǵalaýynyń (Kot-d’Azýr) qalalary úlken suranysqa ıe, dep jazdy DW.

Ekinshi orynda — Ispanııa, ótken jyly munda 93,8 mıllıon qonaq kelgen. Sońǵy kezderi el turǵyndary jappaı týrızmge qarsy narazylyq aktsııalaryn jıi ótkizip júr.

Ispanııadan keıingi orynǵa AQSh jaıǵasty — 72,4 mıllıon týrıst kelgen.

Germanııa eń kóp baratyn elder arasynda toǵyzynshy oryn aldy. BUU málimetinshe, týrıster bul eldiń qalalary men kórikti jerleriniń alýan túrliligine qyzyǵady. Sonyń ishinde, Keln sobory men Noıshvanshtaın qamaly erekshe tanymal.

2024 jylǵy eń tanymal 10 týrıstik eldiń tolyq tizimi mynadaı:

1. Frantsııa

2. Ispanııa

3. AQSh

4. Túrkııa

5. Italııa

6. Meksıka

7. Qytaı

8. Ulybrıtanııa

9. Germanııa

10. Japonııa

Eske sala keteıik, buǵan deıin Ispanııa men Italııanyń birneshe qalasynda shamadan tys kóp týrısterge qarsy narazylyq sharalary ótkenin jazǵan edik. Mıtıngke shyqqandar saıahatshylardyń sanyn azaıtýdy talap etken bolatyn.