Álemdegi eń tanymal TikTok juldyzy Habı Leım AQSh-tan shyǵaryldy
ASTANA. KAZINFORM — TikTok jelisinde 160 mıllıonnan asa jazylýshysy bar tanymal vıdeobloger Habı Leım AQSh vızasynyń merzimi ótip ketkeni úshin áýejaıda ustaldy, dep habarlaıdy Euronews.
TikTok juldyzy Habı Leım vızasynyń merzimi ótip ketkenine baılanysty Las-Vegasta ımmıgratsııalyq qyzmet ókilderimen ustalǵannan keıin AQSh-tan ketti.
Onyń shyn esimi — Serınge Habane Lame. Ol — Italııa men Senegal azamattyǵyna ıe. Ony juma kúni Garrı Rıd atyndaǵy halyqaralyq áýejaıda ustaǵan, biraq AQSh-tyń Immıgratsııalyq jáne kedendik baqylaý qyzmetiniń (ICE) ókili onyń deportatsııa týraly sheshimsiz elden shyǵýyna ruqsat berilgenin rastady.
ICE málimetinshe, 25 jastaǵy Leım elge 30 sáýirde kelgen, ol vızasynyń merzimin ótkizip alǵan.
Erikti túrde elden shyǵý — elden shyǵarylý qaýpi tóngen adamdarǵa deportatsııa týraly resmı sheshimniń óz isterine engizilýinen qutylýǵa múmkindik beredi. Mundaı sheshim, ádette, AQSh-qa 10 jylǵa deıin qaıta kirýge tyıym salady.
Habı Leım Senegalda dúnıege kelgen, bala kezinde Italııaǵa qonys aýdaryp, Týrın mańyndaǵy Kıvasso qalasynyń kedeı aýdanynda ósken.
Pandemııa bastalǵan kezde 22 jastaǵy jigit jergilikti zaýyttaǵy jumysynan aıyrylyp, mıllıondaǵan ıtalııalyq sııaqty úıde otyrýǵa májbúr boldy.
Sol kezde áleýmettik jelilerde ýaqyt ótkize bastaǵan Leım qysqa ýaqytta álemdik tanymaldyqqa ıe boldy. Onyń vıdeolarynda birde-bir sóz aıtylmaıdy — tek bet-álpeti men ym-ısharasy arqyly ol absýrdty ári kúrdeli «laıfhak» jasaýshylardy kelemejdeıdi. Tek TikTok-taǵy jazylýshylarynyń sany 162 mıllıonnan asady.
2022 jyly ol Hugo Boss sán brendimen kópjyldyq kelisimshartqa otyrdy — sol jyly Italııa azamattyǵyn aldy.
2025 jyldyń qańtarynda BUU Balalar qory — ıÝNISEF-tiń izgi nıet elshisi bolyp taǵaıyndaldy.
Buǵan deıin polıtsııa formasymen tikeleı efırge shyqqan shymkenttik tıktoker jaýapqa tartylǵanyn jazǵan edik.