Álemdegi eń tanymal TikTok blogeri AQSh-tan qýyldy

ASTANA. KAZINFORM – Habı Leımdi AQSh-tyń Immıgratsııa jáne kedendik baqylaý qyzmeti (ICE) ustady. Oǵan elden óz erkimen ketý usynyldy, dep jazdy Anadoly agenttigi.

Bul týraly ICE taratqan habarlamada aıtylǵan.

Senegaldyq tegi bar Habı Leım TikTok platformasynda eń kóp jazylýshysy bar qoldanýshylardyń biri. Onyń aýdıtorııasy — 162,2 mıllıon.

Habarlamaǵa sáıkes, ımmıgratsııalyq agentter Leımdi Las-Vegasta vızasynyń merzimi ótip ketkeni úshin ustaǵan.

Áleýmettik jelidegi juldyzdy tanystyratyn Sharks Celebrities agenttigi ICE-tiń bul málimdemesin «jalǵan aqparat» dep atady. Agenttiktiń aıtýynsha, bloger bul aıda AQSh-ta bolmaǵan.

Buǵan deıin AQSh prezıdenti Donald Trampty synap júrgen tanymal túrik-amerıkalyq onlaın-strımer Chıkagodaǵy O’Hara halyqaralyq áýejaıynda ustalyp, suraqqa alynǵan bolatyn.

Al Qazaqstanda salyq organdary 4 blogerdiń 2,2 mlrd tabysyn teksergeli jatyr.