Álemdegi eń las qalalardyń reıtıngi túzildi

ASTANA. KAZINFORM — IQAir agenttiginiń jahandyq aýa sapasy jónindegi jańartylǵan esebine sáıkes, Úndistan álemdegi eń las qalalardyń kóshin bastady. 

Shveıtsarııalyq IQAir kompanııasy 2025 jylǵa arnalǵan esepte 143 eldegi 9 446 qalanyń aýa sapasy derekterin zerttedi. Qazaqstan bul tizimde 55-orynda tur. Ásirese Almaty qalasynyń tútini men las aýasy atap ótilgen. 

Álemdegi qalalardyń tek 14%-y ǵana qaýipsiz aýa sapasy standarttaryna saı ekeni anyqtaldy. Bul ótken jylmen salystyrǵanda 3%-ǵa azaıǵan.

Qazirgi ýaqytta tek úsh eýropalyq memleket – Andorra, Estonııa jáne Islandııa – Dúnıejúzilik densaýlyq saqtaý uıymynyń (DDU) PM2.5 bólshekteriniń jyldyq shekti deńgeıi – bir tekshe metr aýaǵa 5 mıkrogrammǵa deıingi kórsetkishke jetedi dep baǵalandy.

Jalpy, 143 eldiń 130-y, ıaǵnı 91%-y qaýipsizdik standarttaryna sáıkes kelmeıdi. Qaýipsiz shekterde aýa sapasyn ustap turǵan 13 el men aýmaqtyń qatarynda atalǵan úsh eýropalyq memleketpen birge Aýstralııa, Barbados, Bermýd, Frantsýz Polınezııasy, Grenada, Jańa Kaledonııa, Panama, Pýerto-Rıko, Reıýnon jáne AQSh-tyń Vırgın araldary bar. 

Eń lastanǵan elderdiń alǵashqy bestigine Pákistan (67,3 mıkrogramm/m³ PM2.5), Bangladesh (66,1), Tájikstan (57,3), Chad (53,6) jáne Kongo Demokratııalyq Respýblıkasy (50,2) enedi. 

Álemdegi eń lastanǵan 25 qala Úndistan, Pákistan jáne Qytaı aýmaǵynda ornalasqan. 

IQAir agenttigi naqty ýaqyttaǵy aýa sapasy monıtorınginiń nátıjelerine negizdelgen reıtıngini de jarııalady. Esepke sáıkes, Parıj Beıjiń, Dakka, Ýhan jáne Seýlmen birge álemdegi eń lastanǵan bes qalanyń qataryna kirdi. Sonymen qatar London da eń las ondyqqa enip otyr. 

Buǵan deıin Qazaqstandaǵy eń las qalalardyń antıreıtıngi týraly jazǵan edik.