Álemdegi eń qymbat metall — osmıı Qazaqstanda ǵana óndiriledi, biraq ol jaıly búkil málimet qupııa

Álemdegi eń qymbat metall sanalatyn Osmıı-187 ızotopy tek qana Qazaqstanda óndiriledi. Biraq, onyń óndirisine qatysty málimetter — memlekettik qupııa, dep habarlaıdy Kazinform.

Ónerkásip jáne qurylys mınıstrligine táýelsizdik jyldary ishinde osmııdiń qansha kólemi óndirilgenin, eksportqa qandaı baǵamen jáne qaı elderge shyǵarylatyn surap, saýal joldaǵan edik.

«Qazaqstannyń 1999 jylǵy 15 naýryzdaǵy № 349-I Memlekettik qupııalar týraly zańynyń 12-baby 10 tarmaǵyna sáıkes metallýrgııa ónerkásibiniń sırek kezdesetin metaldardy nemese strategııalyq mańyzy bar basqa da materıaldardy, onyń ishinde osmıı óndirý týraly málimetter memlekettik qupııaǵa jatqyzylady», — dep jaýap berdi vedomstvodan.

Osmıı tabıǵatta 7 ızotop túrinde kezdesedi.

Osy 7 ızotoptyń ishinde Osmıı-187 tek elimizde ǵana óndiriledi.

Osmııdiń 1 gramy 10 myń dollardan bastalyp, 200 myń dollarǵa deıin jetedi.

Tabıǵatta Osmıı-187-den tyǵyz zat joq. Bul elementti 9 aı boıy óndiredi.

Ony erekshe dáldikti qajet etetin ólsheýish jáne medıtsınalyq aspaptardy jasaýǵa qoldanady.