Álemdegi «eń kedeı» prezıdent Hose Mýhıka qaıtys boldy

ASTANA. KAZINFORM — Ýrýgvaıdy 2010-2015 jyldar aralyǵynda basqarǵan burynǵy prezıdenti Hose Mýhıka 89 jasynda qaıtys boldy.

Bul týraly qazirgi memleket basshysy ıAmandý Orsı X áleýmettik jelisinde málimdedi, dep habarlaıdy VVS. 

— Áriptesimiz Pepe Mýhıkanyń qaıtys bolǵanyn qatty qaıǵyryp habarlaımyz. Prezıdent, belsendi, kóshbasshy jáne jetekshi. Biz seni qatty saǵynamyz, qadirli qarııa. Bizge bergen barlyq nárse jáne halqyńa degen sheksiz súıispenshilik úshin rahmet, — dep jazdy ol X áleýmettik jelisinde. 

Mýhıka byltyrǵy prezıdenttik saılaýda Orsıdi qoldady. Sol kezde ol óńesh qaterli isigine shaldyqqanyn aıtty. Qańtar aıynyń basynda aýrýdyń baýyrǵa taraǵany belgili boldy. Busqueda basylymyna bergen suhbatynda Mýhıka emdeýden bas tartý týraly sheshim qabyldaǵanyn moıyndady.

— Nege? Óıtkeni men kári adammyn jáne eki sozylmaly aýrýym bar. Maǵan bıohımııalyq jolmen em qabyldaý nemese hırýrgııa kelmeıdi, óıtkeni meniń denem oǵan shydaı almaıdy, — dep túsindirdi ol.

Mýhıka «álemdegi eń kedeı prezıdent» retinde tanymal boldy. Mýhıka jáne onyń áıeli gúl ósirip, satty. Prezıdenttik qyzmeti kezinde ol jalaqysynyń 90%-yn qaıyrymdylyqqa aýdardy jáne onyń fermadan basqa jalǵyz múlki 1987 jyly shyqqan Volkswagen Beetle boldy.