Álemdegi eń qart adam qaıtys boldy

ASTANA. KAZINFORM — Venesýela turǵyny, álemdegi eń qart adam Hýan Vısente Peres Mora 115 jasynda qaıtys boldy. Bul týraly el prezıdenti Nıkolas Madýro málimdedi, dep habarlaıdy TASS.

«Álemdegi eń qart adam retinde Gınnestiń rekordtar kitabyna engen Hýan Vısente Peres Mora 115 jasqa qaraǵan shaǵynda qaıtys boldy. Men onyń otbasyn qushaqtap, El-Kobre qalasynyń turǵyndaryna kóńil aıtamyn», - dep jazdy Madýro X áleýmettik jelisinde.

Peres Mora 1909 jyly 27 mamyrda Venesýelanyń El-Kobre qalasynda 10 balanyń 9-ynshysy bolyp dúnıege keldi. Eń uzaq ómir súrgen onyń 11 balasy bar. Peres Mora ómiriniń sońyn San-Hose-de-Bolıvardaǵy úıinde ótkizgen.