Álemdegi eń kári ıt óldi

Portýgalııada Bobı atty álemdegi eń kári ıt óldi. Ol 31 jyl ómir súrdi. Tuqymy – portýgalııalyq mastıf (klassıkalyq ataýy Rafeırý Dý Alentejý). Kazinform bul týraly bbc-ge silteme jasap habarlaıdy.

11 jyl – jaqsy kórsetkish, 13 – keremet jetistik, al 16 jyl – naǵyz baǵy barlar ómir súredi, sebebi adam jasyna shaqqanda bul 120 jaspen para-par.

31 jyl áli birde-bir ıt ómir súrmegen. Qarapaıym arıfmetıkaǵa súıensek, Bobı kem degende 240 jas jasaǵan.

Janýardyń ólimi týraly onyń emimen aınalysqan veterınar Karen Bekker málim etti.

Ittiń óliminen keıin alǵashqy bolyp Gınnes rekordtar kitabynan habarlasqan. Bıylǵy 2 aqpanda rekordtar kitaby Bobıdi adamzat tarıhyndaǵy eń kári ıt dep tanyǵan edi.

Foto: EPA-EFE/REX/SHUTTERSTOCK