«Álemdegi eń baqytsyz pil» qaıtys boldy
Fılıppınde 30 jyldan astam jalǵyz ómir súrýge májbúr bolǵan «álemdegi eń baqytsyz pil» qaıtys boldy, dep habarlaıdy Kazinform agenttigi The Independent basylymyna silteme jasap.
Fılıppın astanasy Manıladaǵy haıýanattar baǵynda Vıshva Maalı nemese qysqasha Malı degen pil ómir súrdi. Ol shamamen 43 jyl ómir súrgen, biraq onyń naqty jasy belgisiz.
Bul janýar 30 jyldan astam ýaqyt boıy osy haıýanattar baǵynda jalǵyz pil bolǵany úshin de tanymal. Sol sebepti «People for the Ethical Treatment of Animals» (PETA) qaıyrymdylyq uıymy Malıdi «álemdegi eń baqytsyz pil» dep atady.
Malı Fılıppınge 1988 jyly Shrı-Lankadan eldiń sol kezdegi birinshi hanymy Imelda Markosqa syılyq retinde ákelindi. Pil óziniń alǵashqy aılaryn Manıla haıýanattar baǵynda Shıva esimdi basqa pilmen birge ótkizdi.
Biraq 1990 jyly Shıva óldi, sodan beri Malı Manıla haıýanattar baǵynda óz túriniń jalǵyz ókili boldy, óıtkeni mekemeniń basqa pil satyp alýǵa aqshasy bolmaǵan.
I was a child when i went to Manila Zoo and Ive never seen it again until earlier this year. I was like 8yrs Old when I saw Mali for the first time, 20 yrs later Mali's still there. Im Grateful na naabutan ko pa sya. Sobrang nakakalungkot. RIP Mali! 🙏🏻❤️❤️😭 pic.twitter.com/cwlid1FSak
— Rusty (@rreyyyy14) November 28, 2023
Janýarlar quqyǵyn qorǵaýshylar birneshe ret Malıdi basqa elge kóshirýge keńes berip, Manıla haıýanattar baǵynyń basshylyǵyn synǵa aldy.
PETA 2005 jyly Malıdi qonystandyrý boıynsha dúnıejúzilik naýqandy bastady.
Aktsııaǵa Nobel syılyǵynyń laýreaty Djon Maksvell Kýtsı, ánshi Pol Makkartnı, aktrısa Brıjıt Bardo jáne basqa da tanymal tulǵalar qosyldy. Biraq aqyry bul bastama amalǵa aspady jáne Malı 30 jyldan astam ýaqyt boıy, ıaǵnı búkil derlik ómirin jalǵyz ótkizdi.
2022 jyly Manıla haıýanattar baǵynyń kireberisine mekemeniń sımvoly jáne Fılıppındegi jalǵyz pil retinde Malı músini ornatyldy.
Haıýanattar baǵynyń bas veterınary, doktor Genrıh Patrık Penıa-Domıngonyń aıtýynsha, Malı sońǵy kezderi denesin qabyrǵaǵa ysqylap, ishki aýyrsynýdy baıqatqan.
28 qarashada janýardyń jaǵdaıy nasharlap, búıirimen jatyp, aýyr tynys alǵan.
Rest in Peace, Mali the Elephant 💔
— PETA (@peta) November 29, 2023
The world is mourning the death of Mali who spent decades alone at the Manila Zoo 😔🌹 https://t.co/BJWmCAakJA pic.twitter.com/DCb5UaA9pE
Haıýanattar baǵynyń veterınarlary oǵan antıgıstamınder men vıtamınder bergen, biraq ol sol kúni tústen keıin qaıtys bolǵan.
Aýtopsııa nátıjesinde Malıde uıqy beziniń qaterli isigi bar ekenin anyqtalǵan.
PETA haıýanattar baǵy men Fılıppın úkimetin pildiń densaýlyǵyna qatysty problemalardy elemeı, ony ondaǵan jyldar boıy «jeke kamerada» ustady dep aıyptap otyr.
