Álemdegi alǵashqy teńiz astyndaǵy joǵary jyldamdyqty temirjol týnneli iske qosyldy

ASTANA. KAZINFORM – Qytaıda jyldamdyǵy saǵatyna 350 shaqyrymdy quraıtyn álemdegi alǵashqy joǵary jyldamdyqtaǵy teńiz asty temirjol týnneli sátti aıaqtaldy, dep habarlaıdy «Halyq gazeti».

Shantoý-Shanveı joǵary jyldamdyqty temirjolynyń Shantoý shyǵanaǵyndaǵy qos jolaqty sý asty týnneliniń jalpy uzyndyǵy - 9781 metr, al eń tereń bóligi teńiz deńgeıinen 98,5 metr tómende ornalasqan.

Shantoý-Shanveı joǵary jyldamdyqty temirjoly tolyqtaı paıdalanýǵa berilgennen keıin, ol kóptegen joǵary jyldamdyqty temirjoldarmen birge Qytaıdyń ońtústik-shyǵys jaǵalaýyndaǵy joǵary jyldamdyqty temirjol dálizine aınalady.

Jol Gýandýn, Fýtszıan jáne Chjetszıan ólkeleriniń 15 qalasyn baılanystyrady.

Eske sala keteıik, buǵan deıin Qytaıda qandasymyz jeńil atletıkadan bir aptada eki ret bas júlde jeńip alǵany týraly jazǵan bolatynbyz.