Álemde jyl saıyn 6 mıllıonnan astam adam ınsýlttan qaıtys bolady – DDSU
«Nevrolog dárigerler sábı dúnıege kelgen kúnnen bastap ómir boıy adamnyń nevrologııalyq densaýlyǵyna jaýapty mamandar. Olar durys dıagnoz qoıý arqyly, tıisti terapııa júrgizip, myńdaǵan qazaqstandyqtyń taǵdyryna tikeleı aralasyp, patsıentterin qýanyshqa bólep júr»,-delingen QR Densaýlyq saqtaý mınıstrliginiń Facebook paraqshasynda.
Sondaı-aq jazbada medıtsına statıstıkasynan biraz málimetter keltirilgen. Ondaǵy derekterge kóz júgirtsek, álemde júzdegen mıllıon adam nevrologııalyq dertpen aýryrady eken. Dúnıejúzilik densaýlyq saqtaý uıymynyń sońǵy málimetinshe, jyl saıyn 6 mıllıonnan astam adam ınsýlttan qaıtys bolady. Dúnıejúzinde 50 mıllıonnan astam adam epılepsııadan zardap shegedi, 47,5 mıllıon adam dementsııamen aýyrady jáne jyl saıyn 7,7 mıllıon jańa jaǵdaı tirkeledi. Jer betindegi adamnyń 10% bas saqınasyna (mıgren) shaldyqqan.⠀
«Búgingi tańda ekologııanyń nasharlaýyna, turaqty kúızelis pen uıqynyń buzylýyna baılanysty nevrologııalyq aýrýlar edáýir «jasaryp», kúrdelene tústi.⠀ Mysaly, álem halqynyń shamamen 21% sozylmaly aýyrsyný sındromyna shaldyqqan. Nevrologııalyq belgiler COVID-19-dan keıin de baıqalady»,-delingen mınıstrliktiń jazbasynda.
Nevrolog-epıleptolog, reabılıtolog, Medıtsınalyq ońaltýdy reformalaý jónindegi jobalyq ofıstiń jetekshisi Leıla Daıyrbaevanyń aıtýynsha, kóbinese perıferııalyq júıke júıesi men bulshyqet zaqymdanady, sonyń saldarynan dám men ıis sezý joǵalady, kórý qabileti tómendeıdi, kreatınfosfokenazanyń joǵarylaýymen nevralgııa, mıalgııanyń ártúrli nusqalary, qurysý men konvýlsııalyq sındrommen baılanysty emes, sondaı-aq sharshaý, entigý, birlesken aýyrsyný, keýdedegi aýyrsyný, jótel, anosmııa (ıistiń buzylýy) paıda bolady.
⠀
