Álemde jyl basynan beri kompıýterlerdiń satylymy 14 paıyzǵa tómendedi
ASTANA. 12 sáýir. QazAqparat - International Data Corporation saraptamalyq kompanııasynyń habarlaýynsha, bıyldyń birinshi toqsanynda derbes kompıýterlerdiń saýdasy 14 paıyzǵa tómendedi. 1994 jyldan beri onyń suranysy alǵash ret qysqaryp otyr.
VVS-diń jazýynsha, IDC mamandary damyǵan elderdegi satyp alýshylar ózderiniń eskirgen derbes kompıýterlerin jańa modeline aýystyrýdyń ornyna planshetter men smartfondardy belsendi túrde ıemdene bastaǵanyn aıtyp otyr.
Sonymen qatar sarapshylardyń pikirinshe, sensorlyq dıspleımen jaqsy úılesken, alaıda derbes kompıýterdiń qunyn arttyryp otyrǵan Microsoft-tyń sońǵy Windows nusqasy saýdanyń qysqarýyna tikeleı yqpal etýi yqtımal.
