Álemde JQTB-dan qaıtys bolý oqıǵasy bes jyldyń ishinde 21 paıyz azaıdy
ASTANA. 22 qarasha. QazAqparat - 2005-2010 jyldardaǵy kezeńde álemde JQTB-dan kóz jumý 21 paıyzǵa azaıdy. Bı-Bı-Sıdiń habarlaýynsha, BUU-nyń AQTQ/JQTB boıynsha Birikken baǵdarlamasynyń (UNAIDS) mamandary ázirlegen esepte osyndaı derekter keltirilgen.
Osy qujatqa sáıkes, AQTQ-ınfektsııasynan kóz jumýdyń sharyqtaý kezeńi 2005 jyly tirkelgen. 2010 jyly bul kórsetkish 21 paıyzǵa azaıdy, osy indetten qaıtys bolǵandar sany 1,8 mıllıondy qurady.
UNAIDS aqparaty boıynsha, osy indetti juqtyrǵandar sany 1997 jyly 3,4 mıllıonǵa jýyq adamdy quraǵan. Degenmen AQTQ-ınfektsııasyn juqtyrǵandar sany áli de ósip keledi. Esep derekterine qaraǵanda, 2010 jyly 34 mıllıonǵa tarta adam osy aýrýǵa shaldyqqan, bul budan on jyl burynǵy kórsetkishten 17 paıyz kóp.
UNAIDS esebinde Shyǵys Eýropa men Ortalyq Azııa aımaǵyndaǵy AQTQ juqtyrǵandardyń 90 paıyzy - Reseı men Ýkraına azamattary.
