Álemde jyl saıyn 1,2 mıllıon adam jolda qaza tabady

ASTANA.KAZINFORM — Jol-kólik oqıǵalary álem boıynsha ólim-jitimniń segizinshi sebebi bolyp sanalady jáne bes jastan asqan balalar men jasóspirimder arasyndaǵy ólim-jitimniń negizgi sebebi bolyp otyr, dep habarlaıdy BUU jańalyqtar qyzmeti. 

Bul másele ásirese tabysy tómen jáne ortasha elderde ótkir bolyp tur. Bul elderde barlyq ólim-jitimniń 90 paıyzy jol apatynan bolady. Jaıaý júrginshiler, velosıpedshiler, mototsıklshiler jáne balalar qaýipsiz kólik pen jol ınfraqurylymyna qol jetkize almaı zardap shegedi.

Jyl saıyn 1,2 mıllıon adam joldarda qaza taýyp, 50 mıllıonǵa jýyq adam jaraqat alady.

— Bul jaı ǵana statıstıka emes. Bul degenimiz mektepke baratyn balalar, jumysqa baratyn ata-analar, ómiri áp-sátte talqandalǵan adamdar, — dedi BUU Bas hatshysy Antonıý Gýterrısh málimdemesinde.

Bas hatshy sheshimder qazirdiń ózinde bar ekenin atap ótti: jetildirilgen qala qurylysy men qaýipsiz qoǵamdyq kólikten bastap mindetti shlem men qaýipsizdik belbeýin paıdalaný, jyldamdyqty saqtaý jáne tótenshe jaǵdaılardyń tıimdi hattamalaryna deıin. Bul sharalardyń myńdaǵan adam ómirin saqtap qalý múmkindigi bar.

BUU jol qaýipsizdigi boıynsha barlyq sharalardy belsendi túrde qoldaıdy: qazirdiń ózinde 94 el kómek aldy. Brazılııada jyldamdyqty baqylaý hattamalaryn engizý ólim-jitimdi azaıtty, Rýandada shlem kııý týraly zań mototsıklshilerdi kún saıyn qorǵaıdy, al Laosta jańa lıtsenzııalaý júıesi júrgizýshi qaýipsizdigin jaqsartady. 

Aıta ketelik jyl basynan beri elde 15 myńnan astam jol apaty bolǵan.