Álemde jastar úshin eń qolaıly elderdiń reıtıngi shyǵaryldy
ASTANA. QazAqparat - Jastar úshin eń qolaıly eýropalyq elderdiń ishinde Shvetsııa úzdik dep sanaldy. Al barsha álem boıynsha bul baǵytta Avstralııa birinshi orynǵa shyqty.
Osy reıtıngti qurý úshin Vashıngtondaǵy Strategııalyq jáne halyqaralyq zertteýler ortalyǵynyń sarapshylary bilim alý, jumysqa ornalasý, densaýlyq saqtaý júıesi men 10-nan 24-ke deıingi jas aralyǵy sanatyndaǵy azamattar úshin saqtandyrý júıesine qol jetimdilik máselelerin zerttegen. Sonymen birge negizgi faktorlar retinde jastardyń ekonomıkalyq jáne áleýmettik ómirge qatysýy, sondaı-aq zamanýı aqparattyq tehnologııalarmen qamtamasyz etilýi máseleleri qarastyryldy. Osy oraıda bul álemdik reıtıngte Avstralııa kóshbasshy bolyp tanylsa, odan keıin Shvetsııa, Ońtústik Koreıa, Birikken Koroldik jáne Germanııa jaıǵasty, dep jazady sheteldik BAQ.
