Álemde jańa qaterli «Iks ınfektsııa» paıda boldy
ASTANA. QazAqparat - QR Bas sanıtarlyq dárigeri Jandarbek Bekshın álemde jańadan paıda bolǵan «Iks ınfektsııasynyń» qateri týraly aıtty, dep habarlaıdy QazAqparat.
«Dúnıejúzilik densaýlyq saqtaý uıymynyń málimetinshe, jyl saıyn álemde mıllıardtan astam ınfektsııalyq aýrýdyń oqıǵalary tirkeledi. Tek sońǵy 20 jylda 30-dan astam jańa ári qaıtymdy ınfektsııa paıda boldy. Ózderińiz bilesizder, osyǵan deıin Ebola, koronovırýs ınfektsııasy jáne basqa da aýrýlar bolǵanyn bilesizder. Aǵymdaǵy jyly múldem jańa ınfektsııa paıda bolǵanyn atap ótken jón. Oǵan Dúnıejúzilik densaýlyq saqtaý uıymy «Iks ınfektsııasy» degen ataý bergen edi. Bul jańa qater bıyl ǵana shyqty», - dedi Bekshın Ortalyq kommýnıkatsııalar qyzmetinde.
Onyń sózine qaraǵanda, bul ınfektsııa búginde jahandyq ári qaýipti sıpatqa ıe bolýda. «Iks ınfektsııasyn» mamandar tolyqtaı zerttep bolǵan joq.
Budan buryn habarlanǵandaı, QR Bas sanıtarlyq dárigeri Jandarbek Bekshın Eńbekshiqazaq aýdanynda 14 jastaǵy balanyń ólimine qatysty sot-medıtsınalyq saraptamadan keıin tıisti qorytyndy shyǵarylatynyn aıtty.
