Álemde jahandyq klımatty qorǵaýdyń sherýleri ótýde
ASTANA. QazAqparat - Búgin barsha álemde klımatty qorǵaýǵa arnalǵan sherýler ótýde. Oǵan qatysýshylar jahandyq jylynýmen kúres boıynsha jedel sharalardy qabyldaýdy talap etýde.
VVS-diń jazýynsha, Avstralııada myńdaǵan sherýshiler parnıktik gazdardyń atmosferaǵa bólinisin azaıtý týraly uranmen iri qalalardyń kóshelerine shyqty. Olardyń paıymynsha, klımattyń jylynýy qurlyqta jańa qurǵaqshylyqtarǵa, órtter men daýyldarǵa alyp keledi. Bul aktsııalar Nıý-Iorktegi klımattyq sammıtke ulasady. Onda sherýshilerdi BUU Bas hatshysy Pan Gı Mýn qarsy alatyn bolady.
