Álemde ýranǵa degen suranys artady - Ǵalymjan Pirmatov
ASTANA. QazAqparat - Álemde ýranǵa degen suranys artady. Bul týraly Astanada ótken baspasóz máslıhatynda «Qazatomónerkásip» ulttyq atom kompanııasy» AQ basqarma tóraǵasy Ǵalymjan Pirmatov málim etti, dep habarlaıdy QazAqparat.
«Aldaǵy ýaqytta ýranǵa degen suranys artady. Bul turǵyda kóptegen elder atom energetıkasyn damytýdy jalǵastyrýda. 2017 jylmen salystyrǵanda, 2030 jylǵa qaraı álemdik atom energetıkasyndaǵy qýattyń degeıi 11 paıyzǵa ósetini aıtylýda», - dedi Ǵ. Pirmanov.
Onyń sózine qaraǵanda, bıylǵy tamyzdaǵy jaǵdaı boıynsha álemde 443 ıadrolyq reaktor bar. Sonymen qatar, 17 elde 56 jańa reaktordyń qurylysy júrip jatyr.
Ǵalymjan Pirmatovtyń atap ótýinshe, ýrandy óndirý naryǵynda eleýli qurylymdyq ózgerister bolyp jatyr. Jalpy, ýran salasyna ınvestıtsııa salý - uzaqmerzimdi perspektıvada óte tartymdy bolady.
Osyǵan deıin «Qazatomónerkásip» IPO aıasyndaǵy mámileni qarashada aıaqtaıtyndyǵy habarlandy.
