Álemde tuńǵysh ret terini jasartatyn shokolad satylymǵa shyqty
ASTANA. QazAqparat - AQSh pen Eýropanyń dúken sórelerinde erekshe shokolad paıda boldy. Kárilikke qarsy Esthechoc shokoladyn brıtandyqtar oılap tapqan bolatyn. Qazir onyń bir oramasyn 54 dollarǵa satyp alýǵa bolady, dep jazady 24.kz.
Esthechoc-ty jegen adamnyń boıynda qartaıý úderisi baıaýlap, terisi jas kúıinde uzaq saqtalady. Áıelder jaǵy bolsa, ony turaqty jegen jaǵdaıda terisi túlep, qulpyryp shyǵady eken.
Teriniń jasarýy úshin bul ónimniń quramyna astaksantın tabıǵı antıoksıdanty qosylǵan. Bul zat tabıǵı túrinde altyn balyq pen qoqıqazda kezdesip, olardyń túr-túsin únemi ádemi etip turady, dep jazady informing.ru. Erekshe antıoksıdanttyń kómegimen teri qabatyndaǵy qan aınalymy jaqsaryp, jańaryp, ol únemi óz qalpyn saqtap qalady.
