Álemde tuńǵysh ret adam basyn almastyrý otasy jasaldy
ASTANA. QazAqparat - Qytaıda álemde tuńǵysh ret adam máıitinen basty aýystyrý operatsııasy jasaldy. 18 saǵattyq ota barysynda dárigerler omyrtqany, júıke júıeleri men qan tamyrlaryn qalpyna keltire aldy, dep habarlaıdy The Telegraph.
Adam basyn transplantatsııalaý boıynsha ota sátti ótkendigi týraly Venada ótken baspasóz máslıhatynda ıtalııalyq neırohırýrg Serdjo Kanavero (Sergio Canavero) málim etken. Operatsııa doktor Jen Sıaopınniń (Xiaoping Ren) jetekshilik etýimen Harbınsk medıtsınalyq ýnıversıtetiniń (Qytaı) komandasymen jasaldy.
Kanavero tiri adamnyń basyn almastyrý boıynsha ota jaqyn ýaqytta ótedi dep sendirýde.
2016 jyldyń qyrkúıeginde neırohırýrg janýarlardyń (tyshqan men ıt) basyn almastyrý boıynsha jasalǵan otalardyń vıdeosyn jarııalaǵan bolatyn.
Adam múrdesine jasalǵan ota neırodegeneratıvti syrqatqa shaldyqqan reseılik baǵdarlamashynyń basyn transplantatsııalaýǵa daıyndyq bolyp tabylady. Degenmen, bul operatsııanyń naqty ótetindigine qatysty senimdi dálelder joq.
