Álemde shilde aıynda rekordty deńgeıde aptap ystyqtar tirkeldi
ASTANA. QazAqparat - 2015 jylǵy shildeniń ystyǵy barlyq temperatýralyq rekordty basyp ozdy. Qazaqstan, Ortalyq Azııa, Reseı, Ýkraına jáne Belarýs elderinde azdap sýytqanmen, arty qatty ystyqqa ulasty.
Qazaqstanda aptap ystyq saldarynan eskertý jarııalandy. Ońtústik Qazaqstan, Qyzylorda oblystarynda 15-17 shildede jer-jerlerde 46 gradýsqa deıin qatty ystyq tirkeldi. Almaty, Qaraǵandy, Jambyl, Shyǵys Qazaqstan oblystarynda aýa raıy 43 gradýsqa deıin kóterildi.
Ózbekstanda kóp jyldarda bolmaǵan ystyq oryn aldy. Shildeniń basynan bastap Ózbekstanda temperatýra 40 gradýstan asty. 30 maýsymnan besinshi shilde aralyǵy kezeńinde Núkiste (Ózbekstannyń batysy) jyldar boıy baqylaý kezinde oryn almaǵan ystyq aýa raıy tirkeldi. 37 jyl ishinde rekord qaıtalandy (+43,3 gradýs). Termezde besinshi shildede 1968 jyly tirkelgen rekord qaıtalanyp, termometr + 44,1 gradýsty kórsetti.
Kambıne Respýblıkasy janyndaǵy Gıdrometeorologııalyq qyzmet ortalyǵynyń aqparatyna súıensek, aǵymdaǵy aptanyń aıaǵyna deıin ortasha kórsetkishten tórt-bes gradýsqa joǵary kóp jyldan beri bolmaǵan aptap ystyq tirkeldi. «11-19 shildede Ózbekstan boıynsha kúndiz temperatýra 39-42 gradýsqa deıin ysıdy. Ońtústikte jáne Aral aımaǵynda 44 gradýsqa deıin jetedi», - delingen habarlamada. Ózbekstan astanasynda aýa raıy 40-42 gradýs ystyq bolmaq.
Qyrǵyzstanda 16 shildede temperatýra 44 gradýstan asqan kezde jumys kúni eki saǵatqa qysqartyldy. El premer-mınıstri tıisti ókimge qol qoıdy. Respýblıkada 1928 jyldan beri baqylanbaǵan óte joǵary temperatýralyq rekord oryn aldy. Aýa raıy 39,3 gradýs jylylyqty kórsetti.
POGODA.RU.NET aqparatyna súıensek, 6 shildede Reseı, Belarýs jáne Ýkraına qalalarynda temperatýralyq rekordtar tirkeldi: Grodno 33.3°C, Bobrýısk 32.6°C, Chıta 34.8°C, Ýlan-Ýde 39.0°C, Brest 34.8°C, Pınsk 35.3°C, Jıtkovıchı 33.7°C, Vınnıtsa 33.1°C, al 8 shildede - Vrangelıa aralynda 18.1°C, Vılıýısk 36.6°C, Magadan 27.2°C (Magadanda 79 jylda bolmaǵan rekord ornady), Bobrýısk 31.8°C, Ohotsk 31.0°C (Ohotskde 124 jylda bolmaǵan rekord ornady), Lvov 34.1°C, Vınnıtsa 34.4°C, Ýjgorod 37.4°C, Chernovtsy 36.4°C.
Eýropada da shilde ystyq boldy. Ýımbldon tennıs týrnırinde temperatýralyq rekord ornatyldy. 1 shildede termometr kórsetkishi kúlli anglııalyq laýn-tennıs, kroket korttarynda 35,7 gradýsty kórsetti, dep habarlady The Guardian basylymy. Budan buryn osyndaı kórsetkish 1976 jyly tirkelgen. London qalasynda shildede ortasha aýa raıy 23 gradýsty qurady.
Germanııada qatty ystyqtan adamdar, janýarlar zardap shegýde. Jol da zaqymdanýda. TASS habarlaǵandaı, osyǵan baılanysty qaýipsizdik maqsatynda Baden-Vıýrtembýrg federaldyq aımaǵy barlyq betondy joldarda saǵatyna 80 shaqyrymǵa deıin jyldamdyqpen shekteý engizý sheshimin qabyldady. Vedomstvo ókili habarlaǵandaı, jol jamylǵysynyń búliný qaýpi joǵary. Elde temperatýra 40,2 gradýsty kórsetip tur, - dep habarlady Nemis aýa raıy qyzmeti.
2015 jylǵy shildede temperatýra rekordtary Eýropanyń myna qalalarynda ornatyldy: Jeneva 33.6°C, Strasbýrg 34.8°C, Madrıd 40.5°C, Palma-de-Maıorka 36.8°C, Maındaǵy Frankfýrt 36.5°C, Shtýttgart 33.6°C, Bratıslava 35.3°C, Krakov 32.9°C, Býdapesht 35.2°C, Venetsııa 31.2°C, Vılnıýs 32.6°C.
2017 jylǵy 7 shildede Eýropanyń myna qalalarynda aptap ystyq oryn aldy: Lıýksembýrg 32.2°C, Tsıýrıh 34.6°C, Jeneva 39.7°C, Strasbýrg 37.4°C, Lıon 36.8°C, Madrıd 40.0°C, Palma-de-Maıorka 34.4°C, Shtýttgart 35.5°C, Mıýnhen 34.9°C, Bratıslava 36.4°C, Vrotslav 33.5°C, Krakov 31.7°C, Býdapesht 36.1°C, Venetsııa 32.1°C.
2015 jylǵy 8 shildede Eýropanyń myna qalalarynda temperatýralyq rekord ornady: Lıon 34.4°C, Madrıd 39.4°C, Palma-de-Maıorka 36.2°C, Shtýttgart 32.4°C, Býdapesht 36.4°C, Saraevo 35.9°C, Venetsııa 31.6°C.
