Álemde shaıdy eń kóp ishetin el - Ózbekstan
ASTANA. QazAqparat - Euromonitor International júrgizgen zertteýlerge sáıkes álemdegi eń kóp shaı ishetin el Ózbekstan ekeni belgili boldy. Bul týraly egemen.kz gazeti habarlady.
Ózbekstan turǵyndarynyń basym bóligi shaı ishkendi qalaıdy eken. Zertteý bul el turǵyndarynyń 99,6 paıyzynyń shaısyz júre almaıtynyn kórsetti. Al Gvatemala turǵyndarynyń 99,6 paıyzy kerisinshe kofeni qalaıtyn bolyp shyqty, dep jazady The Independent gazeti.
Álemdik zertteý uıymy muny jer júzinde «Siz shaıdy qalaısyz ba, kofeni jón sanaısyz ba?» degen saýalnama júrgizý arqyly anyqtaǵan.
Aıtalyq, shaı ishkishterdiń tizimin Ózbekstan bastasa, odan keıingi orynda - Kenııa (99,2%), Ázerbaıjan (99,1%), Pákistan (99%), Qytaı (98,9%) jáne Mysyr (98,5%) elderi. Al kofe ishkishterdiń kóshinde Gvatemaladan keıin Domınıkan Respýblıkasy (99%), Brazılııa, Ekvador (97,4%), Grekııa (96,8%) tur.
Qazaqstan bul eki tizimde joq. Bizge qaraǵanda, Ulybrıtanııa men Reseıdegi kórsetkish joǵary. Bulardyń aldyńǵysynda shaıqumarlar 78,4% bolsa, kelesisinde 77,5%.
