Álemde pandemııa uzaqqa sozylmaýy tıis - maman
ALMATY. QazAqparat - Almaty qalasy sanıtarlyq-epıdemıologııalyq baqylaý departamenti basshysynyń orynbasary Ásel Qalyqova onlaın brıfıng barysynda jýrnalısterdiń «álemdegi koronavırýs pandemııasy jeti jylǵa sozyla ma» degen saýalyna jaýap berdi,dep habarlaıdy QazAqparat tilshisi.
Buǵan deıin sheteldik basylymdardyń birinde koronavırýs pandemııasy taǵy jeti jylǵa sozylýy múmkin ekeni jaıynda maqala jarııalandy.Maqalada mundaı stsenarıı bolmas úshin álem halqynyń tórtten úsh bóligine vaktsına salý kerek delingen.
Ásel Qalyqovanyń aıtýynsha,kóp elde halyqty ımmýndaý bastaldy, onyń ishinde Qazaqstan da bar. Osyǵan baılanysty epıdemıolog pandemııa uzaq ýaqytqa sozylmaıtynyn atap ótti.
«Epıdemıolog retinde pandemııa taǵy jeti jylǵa sozylýy múmkin degen málimdememen kelispeımin. Sebebi, kóp elde halyqty ımmýndaý jumystary bastaldy. Jappaı vaktsınalaý Qazaqstanda da júrgizilip jatyr. Bul bir jyl ishinde ımmýndyq qabatty jasaıdy. Osylaısha, bul indettiń ýshyǵýyn tejeıdi. Koronavırýs ınfektsııasy joıylyp, maýsymdyq vırýstyq aýrýlar sanatyna enedi dep oılaımyz. Sonymen qatar halyqty COVID-19-ǵa qarsy jyl saıynǵy ımmýndaý qajet», - dedi Ásel Qalyqova.
