Álemde munaıǵa suranys táýligine 378 mln barrelge deıin artady

ASTANA. KAZINFORM — Álemde munaıǵa suranys táýligine 378 mln barrelge deıin artady. Bul týraly Kazakhstan Energy Week — 2025 jáne XVI Eýrazııalyq KAZENERGY forýmynda OPEK-tiń álemdik munaı naryǵyna arnalǵan sholýyn jarııa etken atalǵan uıymnyń Munaı zertteýleri departamentiniń basshysy Behrýz Baıkalızade aıtty. 

— Eń aldymen bul sholý jahandyq ekonomıkalyq jáne saıası aýqymdaǵy aıtarlyqtaı belgisizdik jaǵdaıynda jasalǵan este saqtaý qajet. Sonymen qatar, bul sholý saıasattaǵy aıtarlyqtaı tendentsııalardy kórsetedi. Ásirese AQSh pen basqa damyǵan elderde negizgi maqsattarǵa baǵyttalǵan taldaýdan alshaqtaý baıqalady. Sholý álem halqynyń sany 8,2 mıllıardtan 9,7 mıllıardqa deıin ósedi degen boljam aıasynda jahandyq ózgeristerdi kórsetedi. Munan bólek, ýrbanızatsııa edáýir ósedi. Bul energııa resýrstaryna suranystyń artýyna ákeledi. 2050 jyly qalalarda 1,2 mıllıardtan astam adam turady dep kútiledi. EYDU elderindegi jahandyq ekonomıka da shyǵyndardyń artýyna túrtki bolady, — dedi ol.

Onyń atap ótýinshe, tehnologııalar da birtindep damıdy. Mundaı birtindep oryn alatyn progress tıimdilikti arttyryp, shyǵyndardy azaıtýǵa kómektesedi. Biraq kúrt tehnologııalyq serpilister kútilmeıdi.

— Atalǵan, sonymen qatar tehnologııalyq jáne saıası máselelerdegi tendentsııalardy eskere otyryp, bastapqy energııa tasymaldaýshylaryna degen búkil álemdegi suranys kúnine 308 mln barrelden 378 mln barrelge deıin, ıaǵnı 23 paıyzǵa artady. EYDU-ǵa kirmeıtin elderde bul suranys OPEK-ke kiretin elderge aıtarlyqtaı táýeldi bolady jáne olar 2050 jyly negizgi qajettilikti aıqyndaıdy, — dedi OPEK ókili.

Onyń málimetinshe, 2050 jylǵa qaraı energetıka salasynda mynadaı jaǵdaı qalyptasady:

— jańartylatyn energııa kózderi 2050 jylǵa qaraı 13,5 úleske jetedi;

— ıadrolyq energııa da saıası yqpaldyń arqasynda edáýir ósedi;

— kómir sııaqty basqa energııa kózderiniń úlesi 13 paıyzdyq tarmaqqa deıin tómendeıdi;

— jahandyq elektr energııasyna suranys artyp, ósimdi negizinen úı sharýashylyqtary men ónerkásip qamtamasyz etedi;

— barlyq óńirde suranys ósedi, biraq bul ósimniń 75 paıyzy damýshy elderge tıesili bolady;

— elektr energııasyn óndirýde eń úlken ósim jel jáne kún sekildi jańartylatyn kózder esebinen bolady;

— tabıǵı gaz, sý elektr stantsııalary men atom stantsııalary da úles qosady;

(9:37) Kómirdi birtindep shettetý nátıjesinde kómir generatsııasy 3,2 TVt/saǵatqa deıin tómendeıdi;

— kómirdi azaıtý arqyly balamaly energııa kózderiniń úlesi 24 paıyzdan 65,5 paıyzǵa deıin artady.

Forým barysynda «QazMunaıGaz» UK» AQ basqarma tóraǵasy Ashat Hasenov kompanııa úshin asa mańyzdy baǵyttardy ataǵan edi.