Álemde munaı tutyný ortalyǵynyń jańa ıerarhııasy qalyptasyp keledi - U. Qarabalın
Búgin Astanadaǵy «KAZENERGY-2015» onynshy Eýrazııalyq forýmy aıasyndaǵy konferentsııada Energetıka vıtse-mınıstri Uzaqbaı Qarabalın osyndaı pikir bildirdi. Eske salaıyq, forým aıasyndaǵy munaı-gaz konferentsııasy «Eýrazııa óńirindegi energııa qaýipsizdigi: jańa yntymaqtastyq mehanızmi» taqyrybynda ótip jatyr.
«Eger osydan on jyl buryn álemdegi munaı salasynyń «tirshilik keshýi» negizinen Eýropa men AQSh elderiniń tutynýyna meılinshe táýeldi bolsa, qazirgi tańda perspektıvany bul elder emes, qarqyndy damý ústindegi Azııa aıqyndaıdy. Sonyń ishinde, Azııadaǵy damýshy memleketterdiń tutastaı toptary, sonyń ishinde Qytaıdyń biregeı ósim qarqynynyń ózi azııalyq memleketterdiń jahandyq naryqqa áseriniń kúsheıip otyrǵanyn kórsetedi. Nazar aýdarýdy qajet etetin jáne bir másele bul ulttyq kompanııalardyń kómirsýtekti óndirý men óńdeýge kóbirek kóńil bóle bastaǵanynda jatyr. Búgingi kúni álemdik saladaǵy ulttyq kompanııalardyń óndirý qarqyny toqtap tur. Sonymen bir mezette, munaı óńdeý men onyń qorlaryndaǵy úlester ósýimen qatar, balama energetıkanyń, basqa da joǵary tehnologııalyq sektordyń quramdastaryna qatys ty ǵylymı zertteýlerdi damytý trendi de ósimin jalǵastyrýda», - dedi Uzaqbaı Qarabalın.