Álemde munaı baǵasy kóterilýde

ASTANA. QazAqparat - AQSh-ta munaıdyń kommertsııalyq qorlary boıynsha statıstıka naryǵyn kútý jaǵdaıynda álemde beısenbi kúngi munaıdyń baǵasy oń dınamıkany kórsetip otyr. Buny saýda málimetteri kýálandyrady.

Jergilikti ýaqyt boıynsha saǵat 7:18-de Brent soltústikteńizdik qospasynyń shildedegi fıýchersteriniń baǵasy 0,71 paıyzǵa - bir barrel úshin 62,50 dollarǵa deıin kóterilgen. WTI munaıynyń shilde aıyndaǵy fıýchersiniń quny 0.3 paıyzǵa - bir barrel úshin 57,58 dollarǵa deıin ósken. Investorlar AQSh Energetıka mınıstrligi energetıkalyq aqparat basqarmasynyń (EIA) beısenbi kúni ótetin eldegi munaıdyń kommertsııalyq qorlary boıynsha statıstıkasynyń jarııalanýyn kútip otyr. Sarapshylardyń boljamdaryna sáıkes, 22 mamyr kúni túıindelgen munaıdyń bir aptalyq qory 857 myń barrelge qysqaryp, 481,34 mıllıon barreldi quraǵan. 15 mamyrda aıaqtalǵan aptada AQSh-taǵy munaı qory 2,7 mıllıon barrelge qysqaryp, 482,2 mıllıon barreldi quraǵan, dep aqparattandyrady RIA Novostı. «AQSh-ta munaı qorlarynyń qaıta tómendeýin kútý jaǵdaıy qosymsha qoldaýdy tartyp otyr (shıkizat baǵalaryna - red.)», - dep málimdedi Frans Press agenttigine Sıngapýrdaǵy CMC Markets taldaýshysy Nıkolas Teo (Nicholas Teo).