Álemde mıllıondaǵan kórermen Astanadaǵy Silk Way Star fınalyn tikeleı efırde kóre alady
ASTANA. KAZINFORM — Erteń, 22 qarasha kúni Astanada Azııanyń alǵashqy vokaldyq megajobasy Silk Way Star-dyń fınaldyq shoýy ótedi. Sheshýshi kontsert Astana ýaqyty boıynsha saǵat keshki 20:00–de Jibek Joly telearnasynda tikeleı efırde kórsetiledi.
Fınaldyq shoýdy búkil álem, sonyń ishinde Qazaqstan, Ázerbaıjan, Tájikstan, Qyrǵyzstan jáne Mońǵolııadaǵy kórermender tikeleı efırde kóredi. Joba kórsetiliminiń áleýetti qamtýy 1 mlrd adamnan asyp otyr.
Vokaldyq joba Bakýden Ulan-Batorǵa deıingi aýdıtorııanyń nazaryn tartty. Fınal Ázerbaıjannyń Space TV, Tájikstannyń «Safına», Qyrǵyzstannyń «Mýzyka» jáne «Madanııat», Mońǵolııanyń UBS jáne «AIST Global», Ózbekstannyń Zor TV jáne Grýzııanyń Georgian Times arnalarynan kórsetiledi.
Silk Way Star aımaq úshin teńdesi joq mýzykalyq oqıǵaǵa aınaldy.
Joba bir sahnada 12 el: Qazaqstan, Ázerbaıjan, Armenııa, Grýzııa, Qytaı, Qyrǵyzstan, Malaızııa, Mońǵolııa, Tájikstan, Túrikmenstan, Ózbekstan jáne Ońtústik Koreıa oryndaýshylaryn biriktirgen alǵashqy azııalyq vokaldyq baıqaý boldy.
Sarapshylar bul jobanyń mádenı dıplomatııa úshin mańyzdy qural ekenin atap ótti. Platforma ártúrli elderdiń dástúrlerin, tilderin jáne shyǵarmashylyq mektepterin biriktirip otyr. Keıbir sarapshy Silk Way Star baıqaýyn Eýrovıdenıemen salystyryp, onyń aýqymyn, halyqaralyq qamtýyn jáne qatysýshylardyń ártúrliligin atap ótti.
Qatysýshylardyń ózderi mýzyka men birlesken shyǵarmashylyq halyqtar men mádenıetter arasyndaǵy dıalogty ornatýǵa kómektesetinin atap ótti.
Megajoba fınalynda talantty ánshiler ıAzmın Azız (Malaızııa), Madınaboný Adylova (Ózbekstan), Mıshel Djozef (Mońǵolııa), Avtandıl Abeslamıdze (Grýzııa), ALEM (Qazaqstan), Saro Gevorgıan (Armenııa), Chjan He Sýan (Qytaı) óner kórsetedi. Ártisterdiń árqaısy óz elinde tanymal jáne óziniń mýzykalyq mektebi men stılin kórsetedi.
Barlyq kezeńdegi daıyndyq jumystary vokal jattyqtyrýshylary, horeografter, stılıster jáne tehnıkalyq qoldaýdyń qazaqstandyq mamandar komandasynyń qatysýymen júzege asyrylyp otyr. Sahna, dybys jáne jaryqtandyrý aýqymdy qoıylymdar men qatysýshylardyń jeke nómirlerine beıimdelgen.
Joba jeńimpazy aralas júıe boıynsha anyqtalady: 50% — qazylar alqasy jáne 50% onlaın kórermenderdiń daýys berýi arqyly. Daýys berý silkwaystar.org saıtynda júrgizilip otyr.
Silk Way Star jobasy Qazaqstan Respýblıkasy Prezıdentiniń Teleradıokesheni men China Media Group (CMG) arasyndaǵy kelisim aıasynda júzege asyrylyp otyr.
Osydan buryn Silk Way Star jobasynyń Armenııadan kelgen fınalısi daralyǵy men turaqty tabysyn kórsetkenin jazǵan edik.
