Álemde maımyl sheshegin juqtyrǵandar 20% azaıdy –DDU

NUR-SULTAN. QazAqparat – Ótken aptada álemde maımyl sheshegin juqtyrǵandar sany 20% azaıdy. Biraq, Amerıka qurlyǵyndaǵy elderde bul kórsetkish joǵary. Eýropada aýrý kórsetkishi qysqarǵan. Bul týraly Jenevadaǵy brıfıngte Dúnıejúzilik densaýlyq saqtaý uıymynyń (DDU) basshysy Tedros Gebreııýs málim etti, dep habarlaıdy QazAqparat BUU jańalyqtar saıtyna silteme jasap.

Tedros Gebreııýs aýrýdyń alǵashqy kezeńderinde Eýropa kóshbasshy bolǵanyn atap ótti. Endi jańa jaǵdaılardyń 60 paıyzǵa jýyǵy Amerıka qurlyǵyndaǵy elderge, al Eýropaǵa tek 40 paıyzy tıesili.

«Biz Eýropada indettiń álsirep bara jatqanyn baıqap otyrmyz. Densaýlyq saqtaý salasyndaǵy tıimdi sharalardyń úılesýi, adamdardyń is-áreketiniń ózgerýi jáne vaktsınatsııa ınfektsııanyń aldyn alýǵa múmkindik berip jatyr», – dedi DDU basshysy.

Maımyl sheshegine qarsy vaktsınatsııaǵa keletin bolsaq, qazirgi ýaqytta DDU olardyń tıimdiligin zerttep jatyr. Bul týraly DDU-nyń ımmýndaý departamentiniń dırektory Keıt O'Braıen baspasóz máslıhatynda aıtty.

Foto: avatars.mds.yandex.net