Álemde koronavırýsty 79 mln adam juqtyrdy
NUR-SULTAN. QazAqparat – Djons Hopkıns Ýnıversıtetiniń málimeti boıynsha álemde koronavırýs juqtyrǵandar sany 79 mıllıonnan asty, dep habarlaıdy QazAqparat.
COVID-19 vırýsyn adamdy juqtyrǵan, 1,7 mıllıonnan astam adam kóz jumǵan.
Qaýipti vırýs eń kóp taralǵan elderdiń kóshin AQSh, Úndistan, Brazılııa, Reseı bastap keledi.
Qazirgi kezde AQSh-ta koronavırýsty juqtyrǵan adamdar sany 18 mln adamnan asty.
Eske salsaq, Dúnıejúzilik densaýlyq saqtaý uıymy ótken aptada koronavırýs juqtyrý oqıǵalarynyń sany boıynsha jańa rekord ornatylǵanyn aıtyp, dabyl qaqty.Uıymnyń esebi boıynsha, sońǵy jeti kúnniń ishinde COVID-19 ǵalamshardyń 4,6 mln astam turǵynynan anyqtalǵan. Bul ótken aptamen salystyrǵanda 6 paıyz kóp.
Aıta keteıik, Qazaqstanda ótken táýlikte 736 adamda koronavırýs indeti PTR arqyly rastalyp aýyrǵany belgili boldy. Jalpy el boıynsha aýyrǵandar sany 150198-ge jetti. Sonymen qatar Qazaqstanda ótken táýlikte 1302 adam koronavırýs indetinen emdelip shyqty. Respýblıka boıynsha jazylǵandar sany - 136365.
