Álemde koronavırýstan kóz jumý deregi 2020 jyldyń jazyndaǵy deńgeıge qaıta teńesti – DDU

NUR-SULTAN. QazAqparat – Maýsym aıynda Eýropada koronavırýs juqtyrǵandar sany úsh ese ósti. Bul týraly Dúnıejúzilik densaýlyq saqtaý uıymy (DDU) Eýropalyq aımaqtyq bıýrosynyń dırektory Hans Klýge málim etti, dep habarlaıdy QazAqparat COVID-19 taralýyna jol bermeý jónindegi VAK-qa silteme jasap.

«DDU osy jazda Eýropa elderinde COVID-19 órshıdi degen boljam jasap otyr. Uıymnyń málimetinshe, qazir Eýropalyq aımaqtyń 53 elinde kún saıyn 500 myńǵa jýyq koronavırýs ınfektsııasy tirkelip otyr. Táýliktik ólim-jitim 2020 jyldyń jazyndaǵy deńgeıde – kúnine 500-ge jýyq adam qaıtys bolady», - delingen VAK málimdemesinde.

Sondaı-aq, DDU COVID-19 indetiniń aldyn alý maqsatynda ýaqtyly vaktsına alýǵa jáne qoǵamdyq oryndarda betperde taǵýǵa, al aýrýdyń belgileri bar adamdardy oqshaýlanýǵa shaqyrady.