Álemde koronavırýstan kóz jumǵandar sany 900 myńnan asty
NUR-SULTAN. QazAqparat – Álemde aýyr koronavırýstan 906 195 kóz jumyp, ony juqtyrǵandar sany 28 mln-nan assa, 18 849 981 adam saýyǵyp shyqty. Bul týraly QazAqparat Djon Hopkıns ýnıversıtetine silteme jasap habarlaıdy.
Іndet juqtyrǵan adamdar sanynyń kóptigi jaǵynan AQSh kósh bastap keledi (6,3 mln). Ekinshi orynda – Úndistan (4,4 mln), úshinshi orynda – Brazılııa (4,2 mln), odan keıin Reseı (1 mln).
Aýrýdan kóz jumýdyń eń kóp oqıǵasy da AQSh-ta tirkeldi (191 myń), ekinshi orynda Brazılııa (129 myń) jáne «úshtikti» Úndistan (75 myń) jaýyp otyr. COVID-19 juqtyryp, 18 myńnan astam adam qaıtys bolǵan Reseı bul tizimde 12-shi orynda.
Buǵan deıin Dúnıejúzilik densaýlyq saqtaý uıymy vırýstyń taralý qarqyny óskenin habarlap, koronavırýs pandemııasy áli uzaqqa sozylatynyn eskertti. Keıbir elderde bılik pandemııanyń ekinshi tolqynyn belgilep otyr.
