Álemde koronavırýstan qaıtys bolǵandar sany 5 mıllıonnan asty
Djons Hopkıns ýnıversıtetiniń málimetinshe, dúısenbi tańyndaǵy jaǵdaıǵa sáıkes, álemde koronavırýstan qaıtys bolǵan adamdar sany 5 mıllıon adamnan asyp jyǵylǵan. Tirkelgen ólim jaǵdaılarynyń jartysyna jýyǵy tabysy ortashadan joǵary nemese joǵary, ǵalamshar turǵyndarynyń segizden bir bóligi turyp jatqan elder úlesinde (AQSh, EO elderi, Brazılııa). AQSh-tyń bir ózinde qaýipti vırýstan 740 myńnan astam adam qaıtys bolǵan.
Sarapshylar koronavırýs 1950 jyldan beri bolyp jatqan barlyq álemdik janjaldarmen birdeı adam ómirin qıyp áketti, adam óliminiń júrek-qantamyr aýrýlary men ınsýlttan keıingi úshinshi basty sebebine aınaldy dep sanaıdy.
Bul rette ǵalymdar 5 mln – naqty sannan áldeqaıda tómen ekenine senimdi, sebebi indetten qaıtys bolǵandardyń barlyǵy birdeı koronavırýsqa test tapsyrǵan joq. Al medıtsınalyq kómeksiz úıinde kóz jumǵandar sol kúıinde tirkelmeı qalǵan.
Pandemııa bastalǵaly 22 aıdyń ishinde aýrýǵa shaldyǵý oshaqtary da aýysyp otyrǵan. Qazirgi kezde vırýs ásirese, vaktsınalaýǵa qarsy teris aqparat tarap, halqy bılik kózderine senimsizdik tanytqan Reseı, Ýkraına jáne Shyǵys Eýropanyń basqa elderinde tez taralyp jatyr.
